MEHKHO SANGKHE TEI A HNUI

C. Lalchhanhima

6^th April, 2013

  

"NO kawngpacang na he a sang caimang dia maw!!" Pacang kaw leimei nehka, a ngepachi zawngtah a ngepachi thaipaw cang kha be!! Ze maning taco, ma khazaw he piasai pawtah ka hringnah he zungrui/khawhrui hmangpawtah pachang zawng ka du thlang. Ka napui le saw pacang ly ung he nala, ka hringnah a chang na khua a sy ngetei thah khatah ka  ngesa. Y kaw pawtah y thaipaw cang kha tlung be!!, Khazaw he ka caitah co, a lawngnah ning rai ung khy khaw a be"  ta tah mehthli cho tah le batui hmai e thai khalytah bia cawh paching ka.

Kama zawngtah ze khatah maw a lunghnaw padang nehka, ze

khatah maw lungthing pacangnah chawpaw, hringnah thaapaw khatah cai a hmang khy na'pawtah lungdangnah bia ka rei khui i... ta tah chai nacang hmai hni khaw beineh. Makhang tei pacang rung ngetei pawtei cai kaa hmang na chang cawh ze na vai cang beh.. A no (a sa tuno) cung letah a hmingtuapaw a ngepachi na cawtah a cang.

Mehthli tlanah cungtah le a pangcari a nang na cungtah mahra hei a hninglang tei cai vytei cawh paching ka. (Nawhthlia thlang lypaw cola ka tuahrangpaw ung beh.)

Ka no he mehkho sangkhe tei aa hnuipaw cangka, ka lungrei a pathuisa hluikhung tah ka hua ngetei. Ma leimei ningtah co, kaa chungkua bawbang napawtah school ka ke napaw letah beichawngtu tah a ung pai hui.

Ningkhe cawh school a hia (break) ka letah kaa vesaw sahlo khatah a catlai caly he pehka. Maning taco, kaa ungnah lang cawh a vawng longmang ka, bia a va paching. Ka ningapazaw satu na cawtah chai na cang hmai hni beineh!!.

Ze khatah maw ma ha paw hra hei bia a paching thai!! Ning hlupui phe cakang sai nehka, ka lungthing taitah vathlang nehka, a huanah lungkho lang ka khung hluikhung tah saisai tei nehka. Uikhehpaw cawh school ingchung letah ka vesaw sahlo khatah sia kaa sing leimei ningtah, ka vesawpaw pakhepaw tahco '' EEEe, Na no tah mehkho sangkhe tei a hnui' pa ta ka.

Cangkhy sala, a ma hmukhy khaw lypaw tah aluichung(thlaikho) lang zawng he a phung ka dutei. Ka no zawng cawh ka hmu khylypaw lang ungpaw tah ka dutei. Ningkhe cawh mahrahei tahna ka, " Lunglawng tei tah ka' hnui/lawng khy napaw co, ma khazaw he napiasai(thi) a nge e"

Chainah sangkhe hmai dawng beineh, ze bia maw ka rei tahpaw zawng hnikhy beineh. Thingenah khatah a chi nehka. Ze khangtah maw a lung a sa tahpaw hmai pacang bei neh. Ma vytei cawh zehringpaw na vai canglytah mehkho sangkhe tei a hnuipaw kha a hua nehka, ama zawng ka hua pai thlu.

Kaa ing piasai pawtah lungthing ka pho teipaw cawh a hlo a tling myca, raang hringlang ca a cu a pawtah ka piathla my ca. Ze hminghmai ka no khatah tuahrang hnui kha bei neh. Ka lungthing cawh a lawng patho longmang my ca. A pasatu hmai cangsala, a kia le ung du bei neh.

(Apaching na zawngtah ka rei thlang a e). Napui hnui nehka, sawtei pahning kaa sa my ca. Ka hring cawh a nawng ngetei my ca, ka no zawng pacangnah lungthing hnui kha bei neh.

         

Ningkhe cawh, pacanglypaw le rawlypaw puitah ka no kaa inglang a vawng ka, ingkaw letah a za tah ka..  ninghlupui kaa hmui aa hmu kha bei pe. A saming (ka sawtei) leh zawng hmu bang malang bei he.

Ingkaw letah a thle ka nene tah le pia ka sisi tah a daw thlang ningtah co, Ka sawtei letah hnuiso he ka, ka no cawh ka mehsai tah ming na cungtah " Hruainah hmai na hmulypaw tah ka ing lang ze maw na va ta e?"  Ka sawtei le cici phang phang tah na ung sa pai hui he?? Piahly pahraw tha, ka inglang rai rai a vawng khe!!  Na vawng vy a co, khazaw na piasai a hy a!!.

Ka no cawh reikaw a nai teitah " Pange thai lo! aa Ungnahpaw su(Address) ka hnichiapaw a cang hi!!" ta na cungtah ka ing cawh piasai ka.. Ninghlupui ka hmu kha lypaw ka hmukaw hui na cawtah ka thing a e patho kaw hui my ca. Ma khang co, ka no cawh a hua nehka.

School ka ke tei napaw cawh kung 50 a tlingnah 'Golden jubilee" aa lawngnapaw letah he hruinah papei hra heka. A lawng ngetei tah ma school lang cawh ka vaw hra, cai kaa hmangpaw zawng a nawng cai mang. Biareinah zawng ka hnui hluikhung tah, ka vesaw paringpaw sahlo khatah aa hmukawnah cai chaw kaa hnuipaw cawh kaa lung a lawng hluikhung tah kaa nge aama chi long ngetei.

Ka napui no khatah ingchung letah sia ka sing leimei ningtah, kaa ingpaw paw cawh kaa inglang a vakhia ka, ze bia hringpaw rei lytah " Na no a thi!!" tahpaw paching ka, ka mehtui dikhe tei hmai a lai beh!!!, chai zawng chai bei neh.

Taico, ' Mahe na no tah cakua a ciapaw a cang' tatah ka ki letah co pahlai ka... Ca bawng cawh thawthonah hmai hnuily tah hawng nehka, ma hrahei a cia>>>>

"To

Ka sawtei kawngkapacang ngeteipaw,

Zening tahmai camawng hlykhy beineh. Na inglang a vawng tah, ka saming leh a lunghnaw padang ka by ngetei. Mahluikhung co, ka myno hmuicha na zia zawng hni ka by hmuisui e. Catuka, Ka saming (Na sawtei) leh caitah a lawngnah a tlungkhuitu canglytah cinah le ningzawsanah a tlungkhuitu ka cang na cawtah pange thai the my lo".

Golden Jubilee cai hmang ningtei bia na reipaw le na o duchui ngeteipaw ka nawthlia thlangpaw cawh ka ca pachaw nazia he rei khy bei neh. Catuka, na hmui duitei hmukhy beineh. Lakhing cung taitah na o nawthlia nehka, ka lawngnah mehtui taco ka la hia vytei zawng a pacing sapai thlu seh. Vy, ka sawtei ka ca pachaw tu thlang e.

Na chiatei ning taitah atoning tai letah na lungrei ka ca pathui napaw vytei kha pa ngethai my lo. Nama kawng ka capang na cawtah a cang hri se. A chang cawh "Na chiatei ningtah apeisuanah (Accident) a tawng caka, doctor sahlo tah caming khai cha ngetei hmai my he sala, na mehkho cacang lang teipaw duisai pacha khy kha bei he!".

A luicung letah no na hnuichungpaw, a ca satu a ungchungpaw caitah co, mehkho rakhe co pawtah khazaw cai na hmanglehpaw sai khy bei neh!! Ka tuakhy chungpaw cawh ka mehkho capei lawng lawng kha se a cang e!.

Ka sawcapaw ka ca pachaw hluikhung tah kaa lawng na zia reikhy bei neh. Kama cawh ka cai a ling myca. Canghrahmai mysala, nama hmangpaw tah khazaw aa ngenah le a rungnawnah ka hmu leimei thlang my ca hra a...

Kawng a capang ngetei no>>

Na no>>

Mahratei, a no tah ca a kuapaw a rekhy cang kaw letah biahringpaw ching apa pachia leimei ningtah co ka ingkaw cawh "kawt kawt, kawtkawt" tatah ka vesawpaw tah zakhawng ka... "Chhana, Weak up!! Its time to go for class."  Ka ka chang cawh, suimehlang ka ming nehka mawng da kua(9) a ring dai hmang thah. Class ka hapai hui!!!!!